Ongi Etorri Baserrira!

ONGI ETORRI BASERRIRA! ate irekien jardunaldien 2025 edizioa

Eskuartean duzu ONGI ETORRI BASERRIRA! ekimenaren hamargarren edizioa, gure jakien jatorria berraurkitzeko eta beren ingurune naturalean, mahaiean dastatzen ditugun elikagaiak ekoizten dituzten baserritarrak ezagutzeko aukera ezinhobea.

Uztailaren 4an eta 5ean Gipuzkoa, Bizkaia eta Arabako baserritarrek heuren baserrietako ateak zabalduko dituzte beren ikuiluak, baratzak eta landaguneak ezagutzera emateko.

ONGI ETORRI BASERRIRA! ekimena bertako elikagaien aldeko apustu garbia da, landaguneari balorea emateko, bertako turismoa sustatzeko eta nola ez, gure herri gastronomia goratzeko.

Familian edo lagunartean egiteko bisita zoragarriak. Goza itzazu!

uztailak 04 ostirala
EUSKARAZ

Asteasu: Bulano baserria (esne behiak). Haur tailerra.
Elgoibar: Mausitxa baserria (ardiak, gazta eta larre behiak).
Tolosa (ostirala/viernes): Balerdipeko Erleak (eztia, polena, erregin jalea, kandelak eta propolia). Erlezainaren buzoa jantzi eta erleak gertutik ikusi eta eztigintzaren magia ezagutu. BETETA!

uztailak 04 ostirala
GAZTELERAZ

Beizama: Oiarbi-Saletxe baserria (behi limusinak eta txerriak).
Galdames: Granja Murrieta (esne behiak eta jogurta).
Gatika: Txoñebarri baserria (kiwi, sagastiak, biberoa, mahastiak eta txakolin upategia).
Urnieta: Eula baserria (sagastiak eta sagardotegia). Adarrazpi baserria (ardiak, gazta eta mamia). Bazkari-dastaketa kontratatu daiteke bertakoekin aurrez hitzeginda.
Zamudio (ostirala/viernes): La Gilda del Norte (Ibarrako piparrak, gildak eraldatu eta salmenta).
Zerain: Ariztizabal baserria (basoa eta egurra). Txirbil aroztegia (arotzeria, zurezko bizikletak).

uztailak 05 larunbata
EUSKARAZ

Aralar: Buruntzuzingo borda (gazta eta ardiak). Artzain txabola hau Arritzagako paraje ikusgarrian dago kokatua, Buruntzuzineko aitzinako kobre meategien ondoan. Mendiko ibilibide ordu erdi batekoa da. Mendirako arropa eta oinetakoak eraman eta bide batez, ogitartekoa eta edaria. Bereziki, jende helduarentzat. Amezketako eliza pasa ondoren dagoen aparkalekuan elkartuko gara uztailaren 5ean 9:30etan.
Deba: Albara ganadutegia (okelarako behiak). Gazte hauek, modu extentsiboan hazten dituzte galtzeko zorian dauden Larrabehiak, Euskal Herriko zezen festa herrikoietan partehartzen duten animaliak eta heuren okela saltzen dute.
Donostia: Pokopandegi baserria (esne behiak eta GOENAGA yogurra). BETETA!
Ordizia: Arramendi baserria (esne behiak eta ardiak).
Tolosa (larunbata/sábado): Balerdipeko Erleak (eztia, polena, erregin jalea, kandelak eta propolia). Erlezainaren buzoa jantzi eta erleak gertutik ikusi eta eztigintzaren magia ezagutu. BETETA!

uztailak 05 larunbata
GAZTELERAZ

Errezil: Basabe Barrena baserria (sagastiak eta baserriko ogia).
Igorre: Urkitze baserria (esne behiak, okelerako behiak eta landa oiloak).
Kortezubi: Olosaba baserria (okelerako behiak - salmenta zuzena). Haur tailerra.
Rivabellosa: ALCA - Alternativa de Cultivos Alaveses (zereala, intxaurrak eta ekilorea haztea eta olioa ekoiztea).
Zamudio (larunbata/sábado): La Gilda del Norte (Ibarrako piparrak, gildak eraldatu eta salmenta).
Zarautz: Mokoroa txakolindegia (mahastiak eta txakolina). Mahastiak eta Upategi familiarra, etxeko gaztek lideratua. Herriko zein kostaldeko bista zoragarriak.

BISITA GIDA

ipar horratza

Hizkuntza

Orlegiz markatuta agertzen diren ibilbideak euskara hutsean egingo dira.

Ordutegia

Bisita goizeko 11tan hasiko da ibilbideko lehen edo baserri bakarrean. Bertara norbera bere ibilgailuan joango da. Begira ezazu aurrez, webgune honetan, lehen baserriaren kokapena.

Bisita amaitu ondoren, bigarren baserrira (dagoenean behintzat) lagunduko zaitugu eta bertako bisitaldia amaitu ostean, produktu dastaketa egingo da.

Bisitaldi osoa 14:00ak aldera amaitzea aurreikusten da, arratsaldez luzatzen dana ezik.

Izen ematea

Izena emateko epea ekainaren 29 igandean amaituko da, egun hori barne.

Zenbat balio du

Bisitak dohakoak dira

Eguraldia

Etxetik abiatu baino lehen erreparatu eguraldiaren iragarpenari eta landan ibiltzeko prestatu: aldatzeko arropa, oinetako erosoak, eguzkirako bisera, etab.

Ezin baduzu etorri...

Edozein arrazoirengatik bisitara joaterik ez baduzu, eskertuko genizuke ahal bezain laster jakitera emango bazenigu, ahal izanez gero, zure tokia beste norbaitek aprobetxa dezan.

Bisitaldia

Aurkezpena egin ondoren, baserritarrak bere etxea, bizimodua eta ekoizpena nahiz salmenta bidea azalduko du. Salmenta zuzena egiten duten baserrietan, produktua erosteko aukera izango duzu.

Nola iritsi

Saiatu gara ahalik eta argien azaltzea baserrien kokapena (helbidea, GPS seinalamenduda, baserriko telefonoa, etb) baina, hala ere, bidean izanik zalantza izanez gero, deitu baserrira eta berak lagunduko zaitu.

Kontuan izan ustiategi batzuk hain isolatuta daudela, estaldurarik gabe egon zaitezkeela.

Zaindu ingurunea

Errespeta itzazu bai zuhaitzak, landareak, baratza, mahastiak bai abere hazienda. Pentsatu baserritarren ogibideaz ari garela.

Galdetu

Galdetu beldurrik gabe. Bisitaldian zalantzaren bat sortuz gero, galdetu lasai baserritarrari. Zein hobeto, bera baino, zure dudak argitzeko.

Eta amaitzeko

Emaiguzu zure iritzia: ONGI ETORRI BASERRIRA! ekimena urteroko zita izatea da gure helburua. Zure iritzia jasotzea oso interesgarria da guretzat. Horrexegatik, bisita amaitzean, minutu batzu hartzea eskatuko dizugu baserrian bertan emango zaizun dizuen inkestatxoa betetzeko.

Zabaldu #ongietorribaserrira lau haizeetara: zabaldu eta partekatu ezazu sare sozialetan, #ongietoribaserrira25 etiketa erabiliaz, gure elikagaien jatorria jendearengana hurbiltzeko sustaturiko ekimena hau.

Argazkiak atera eta bidali: bisitaldiarekin gozatzeaz gain aprobetxa ezazu baserri, baratza, baso edo ganaduaren argazkiak ateratzeko eta bidali iezazkiguzu. Argazkiak kaixo@ongietorribaserrira.eus helbide elektronikora bidali edo Instagramera #ongietorribaserrira25 leloarekin igotzen dituzten pertsonen artean zozketatxoa egingo dugu, hain zuzen ere, NEKATUR sareko nekazalturismo batean 4 pertsonentzat 2 gauetako egonaldia. Baserrietan atera eta zozketan partehartzeko bidalitako argazkiak ONGI ETORRI BASERRIRA!-ren komunikazio eta sustapen lanaterako erabiliko ahal dira antolatzaile aldetik.

Jarrai gaitzazu urte osoan zehar

Hemendik gutxira, baserri mundua eta hiriaren arteko zubigintza lanetarako sortutako ONGI ETORRI BASERRIRA! ekimena berrindartu nahi dugunez, ekimenaren jarraipena egiteko gonbitea luzatzen dizugu bai webgunearen bitartez bai sare sozialetan (facebook, twitter, flickr) edota hemendik aurrera sustatu nahi ditugun nobedadeak jasoko dituen boletinean izena emanaz.

Informazioa gehiago

ONGI ETORRI BASERRIRA ekimenari buruzko informazioa eta baserritarren adierazpenak lortzeko erreportairen bat egiteko, jar zaitezte harremanetan ENBAko koordinatzailea den Xabier Iraolarekin.

EMAN IZENA